कोरोनाभाइरसको संक्रमणबाट स्वास्थ्यकर्मी चन्द्रा न्यौपाने संक्रमणमुक्त भएकी छन्। डोटीको जोरायल गाउँपालिको लक्ष्मि नगर स्वास्थ्य चौकीमा कार्यरत न्यौपाने संक्रमण भएको २८ दिन पछि कोरोना संक्रमणमुक्त भएकी हुन् ।
उनि सो अविधि भर होम आईसोलेशनमै बस्दै आएकी थिईन् । यस अवधिमा खानपान र व्यायाममा पनि विषेश ध्यान दिनुपर्ने उनले बताईन् । सो अवधिमा धेरै कष्ट भोग्नुपरेको दुखेसो पोखिन् । “पानी पिउँदा पनि घाटि पोल्ने स्थिती भएको थियो”उनले भनिन्, “यति सम्मको पिडा सायदै आजसम्म भोगेको अनुभव छैन मलाई , यति पीडा त सुत्केरी हुँदा समेत भाको थिएन ।”
यस्तै संक्रमणबाट बच्न मास्क, स्यानिटाइजर प्रयोग गर्न र कोरोना संक्रमित भइहालेमा भयभीत नभई उच्च मनोबलका साथ स्वयम् अनुशासित भएर डाक्टरको सल्लाह अनुसार उपचार गरेपछि कोरोनालाई जित्न सकिने बताईन् । उनले कोरोनालाई सामान्य रुपमा कसैले नलिन समेत सुझाब दिईन् ।
