प्राणघातक रोग कोभिड–१९ निम्त्याउने कोरोना भाइरस संक्रमणको त्रासले देश लकडाउनमा गएपछि डिपार्टमेन्टल स्टोरहरु खोलेरै सेवा दिईरहेका छन । तर धनगढीका अन्य व्यवसायीहरुलाई भने पसल खोल्ने समय तोकिएको छ । त्यही समयमा पनि व्यापारीहरुलाई लकडाउन उल्लंघन भएको भन्दै प्रहरीले सताईरहेको छ । ध
नगढीका दुई वटा डिपार्टमेन्टर स्टोरले दिनभरी नै खोलेर सेवा दिईरहेको विषयलाई अन्य व्यवसायीले भने सरकारको दोहोरो मापदण्ड भनेर चर्को आलोचना गरेका छन् ।
चौलानी डिपार्टमेन्टल स्टोर र धनगढीमै तीन शाखा रहेको ओम टेड सेन्टरले लकडाउनको समयमा फरक फरक समयमा खोल्ने गरेका थिए । तर आजभोली दुवै डिपार्टमेन्टर स्टोर दिनभरी नै खोलिएका छन् । तर अन्य अति आवश्यकीय, खाद्यान्न लगायतका पसलहरु विहान ५ बजेदेखि ९ बजेसम्म खोल्ने व्यवस्था गरिएको छ ।
कैलालीका व्यवसायीहरुले व्यापारीहरुलाई नै विभेद भईरहेको आरोप लगाएका छन् । धनगढीका डिपार्टमेन्टल स्टोरलाई दिइएको सुविधा अन्य त्यस्तै प्रकृतिका पसलहरुले कारोवार गर्ने छुट पाउने कि नपाउने ? लकडाउनको समयमा पनि डिपार्टमेन्टल स्टोरले व्यापार गर्न पाएको छुट अन्यले नपाउने हो भने, सरकारको सौतेलो व्यवहार भनेर मान्नु पर्ने कैलाली उद्योग वाणिज्य संघका महासचिव ओम विष्टले बताए । कैलालीका अन्य व्यवसायीले आफुहरुमाथि सरकारको असमान व्यवहार भयो भन्दै समान व्यवहारको माग गरेका छन् ।
