श्रम, रोजगार तथा सामाजिक सुरक्षा मन्त्री गौरीशंकर चौधरीले सपथ ग्रहण गरेको २४ घण्टा बित्न नपाउँदै उनकै निर्वाचन क्षेत्रमा पुतला दहन भएको छ । कैलाली निर्वाचन क्षेत्र नम्बर ३ स्थित उनकै घर रहेको कैलारी गाउँपालिकाका हसुलियामा उनकै समर्थकहरुले दिउँसो पुतला दहन गरेका हुन् ।
केही दिन अघि मन्त्री चौधरीले पार्टी कार्यकर्तालाई सम्बोधन गर्दै आफु प्रतिनिधि सभा विघटनको विरोधमा रहेको र प्रचण्ड–नेपाल समूहमै रहेको भन्दै प्रधानमन्त्री केपी शर्मा ओलीको कडा आलोचना गरेका थिए । तर काठमाडौं गए लगत्तै मन्त्रीको सपथ लिएपछि कार्यकर्ताहरुले पुतला दहन गरेका हुन् । मन्त्री चौधरीको नेकपा ओली समूहमा प्रवेशले आक्रोसित भएका उनकै निर्वाचन क्षेत्रका कैलारी गाउँपालिका अध्यक्ष लाजुुराम चौधरीले पटक पटक सामाजिक सञ्जालमा स्टाटस लेख्दै उनको विरोध गरेका छन् । उनले फेशबुकमा मन्त्री चौधरीलाई चुतिया भनेका छन् ।
उनकै अर्को स्टाटसमा निर्वाचन क्षेत्र नम्बर ३ मा फेरि आएर आफुसँग चुनाव लड्न पनि चुनौती दिएका छन् । चौधरीले पदको मोहमा नेता र कार्यकर्तामाथि विश्वासघात गरेको आरोप लगाउँदै दिउँसो प्रचण्ड समुहमा रहेर ओलीको विरोध गरेको र राती १० करोड ऋण तिर्न ओली समुहमा गएको समेत उनले आरोप लगाएका छन् । उनका पार्टी सहकर्मी तथा सोही गाउँपालिका अध्यक्ष चौधरीले आफ्नो फेसबुकमा लेख्दै कडा चुनौती दिएका हुन् ।
गौरीशंकर चौधरी मन्त्रीमा सपथ लिएपछि गाउँपालिका अध्यक्ष लाजुरामले लेखेका स्टाटसमध्ये एक स्टाटसमा लेखेका छन, “कमरेडहरु कुनै संकोच नमान्नुस मिति २०७७ पौष ५ गते पार्टी अलग भएको बेला गौरीशंकरलाई दलाल र चातुकार भनेको थिए । तपाइको रु दश करोड ऋण छ । तपाईं ऋण तिर्नलाई ओलीको चातुकार बन्नु हुनेछ। उहाँले त्यही दिन ओलीको गाली र बेइज्जत गर्नु भो। बडो हसिलो र मुस्काान अनि क्रान्तिका कुरा गर्नु भो, अचम्म! अनि मैले के सोचे हुला चिन्ता अनि भोकाएको अनुहारलाई के खुवाउने ? ‘राती खाएन बिहान खाएन’ गौरी जी ले भनेपछि खाना खुवाए। हासी माजाक उहीँ भो ‘दलाल र चातुकार न बन्नुस’ काठमाडौ पठायौ। टिकट को कुरा न गरौ न उहीँ दिन को ‘पेट्रोल’ को आज उही भो .... अब आइज तेरो भाषण र मेरो भाषण ? दलाल हामी कैलारीका कमरेड एक छौ ।”
पूर्व कृषि मन्त्ती समेत रहेको गौरीशंकर कैलालीको निर्वाचन क्षेत्र नं.३ बाट निर्वाचित सांसद हुन । माओवादी आन्दोलनबाट राजनीतिमा आएका गौरीशंकर कैलारी गाउँपालिकाका स्थानीय हुन् ।
