महाकाली नदीमा गत मंसिर १४ गते बेपत्ता भएका पुरुषको कंकाल भेटिएको छ। जिल्लाको भीमदत्त नगरपालिका वडा १२ औरीघाटका ४५ वर्षिय अजय सुनारको कंकाल भेटिएको प्रहरीले बताएको छ ।
जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक अमर थापाका अनुसार उनको शनिबार कंकाल भेटिएको हो । भीमदत्त नगरपालिकाको वडा नम्बर १३ काे महाकाली नदीमा उनको कंकाल भेटिएको प्रहरीले बताएको छ । उनले लगाएको लुगाका आधारमा छोराले शव पहिचान गरेका हुन ।
उनको शव आफन्तको जिम्मा लगाइएको छ । गत मंसिर १४ गते दोधाराबाट घर फर्किएका उनी महाकाली नदीमा बेपत्ता भएका थिए ।
