प्रहरीले नक्कली नेपाली नोट बनाउने कारखानामा छापा हानेर नक्कली नोट बनाउन प्रयोग हुने उपकरण सहित एक दम्पतिलाई पक्राउ गरेको छ । भीमदत्त नगरपालिका–१८ महेन्द्रनगर बजारको २ नम्बर गल्ली स्थित रामवहादुर धामीको घरमा छापा मार्दा नक्कली नोट बनाउने रितिका बम र उनका श्रीमान अनुज शर्मालाई नक्कली नोट सहित पक्राउ गरेको हो ।
महेन्द्रनगर बजारको गल्ली नम्बर ३ मा सिलाई कटाईको काम गर्ने शर्मा र उनकी श्रीमति बमलाई लाई जानकी टोलबाट पक्राउ गरेको प्रहरीले जनाएको छ । पक्राउ परेका शर्मा सुवाशनगर बरेली भारत घर भएका हुन् । उनकी श्रीमति रितिका नेपाली हुन् । पक्राउपछि प्रहरी टोलीले ती दम्पती बस्ने डेरामा छापा मार्दा १ हजार दरका २ वटा नक्कली नोट सहित ल्यापटप १ थान, चार्जर १ थान, फोटोकपी मेसीन १ थान, कैची थान २ थान, किबोर्ड २ थान, माउस १ थान, विभन्न बैंकहरुको चेकबुक ३ थान, एटिएम, आइएमई कार्ड र नक्कली नोट बनाउनका लागि काटिएका ५० थान फोटोकपी पेपर बरामद गरिएको प्रहरीले जनाएको छ ।
पक्राउ परेका तीनै जनामाथि अदालतबाट मुद्रा सम्बन्धी कसुर मुद्धामा अनुसन्धान गरिरहेको जिल्ला प्रहरी कार्यलय कञ्चनपुरका प्रहरी नायव उपरीक्षक अमरबहादुर थापा क्षेत्रीले बताए ।
