धनगढी उपमहानगरपालिकाले राहतका नाममा वितरण गरेको चामलमा किरा भेटिएको विषयमा आपुर्तिकर्तालाई चालम दिने रश्मी टेडिङ कन्सर्नले गल्ती भएको स्वीकार गरेको छ । आज विज्ञप्ती जारी गर्दै रश्मी टे«डिङ कन्सर्नका सञ्चालक ओम प्रकाश अग्रवालले एक विज्ञप्ती निकाल्दै गल्ती स्वीकार गरेको हो ।
चामल आपुर्तिकर्ता ठाकुर टे«ड लिंकको नाम जोडेर अनर्गल प्रचार गरिदै आएकोमा सो काममा हाम्रो पनि संग्लनता रहेकोले हाम्रोबाट हुन गएको गल्ती र कमी कमजोरीका कारण चामल आपुर्तिकर्ता ठाकुर टे«ड लिंक र धनगढी उपमहानगरपालिकालाई असर पर्न गएकोले भन्दै विज्ञप्तीमा त्यसबाट ठाकुर टे«ड लिंक, धनगढी उपमहानगरपालिका र आम नगरवासीहरुलाई पर्न गएको असुविधा प्रति क्षमा मागिएको छ ।
‘ठाकुर टे«ड लिंकले आपुर्तिको जिम्मा पाएकोमा रश्मी टे«डिंङ कन्सर्नसग आधा चामल आपुर्ति गर्ने मौखिक सहमति भएको भएको थियो । सोही आधारमा हामीले चामल आपुर्ति गरेका हौं । ३ हजार ३ सय ७ क्वीन्टलको ठेक्का परेकोमा हामीले पठाउनुपर्ने हाम्रो भागको एक हजार ६ सय ५० क्वीटल चामल विभिन्न वडाहरुमा वितरणका लागि पठाईको, त्यस मध्ये एक सय ८५ क्वीन्टल चामल जुन १५ किलोको कट्टामा थियो त्यो चामल जाला, किरा परेको र खान अयोग्य रहेको छानविन समिति र खाद्य प्रविधि तथा गुण नियन्त्रण कार्यालयले पनि भनिसकेको अवस्थामा एक हजार ४ सय ६५ क्वीन्टल चामल राम्रो र सम्झौता अनुसार नै आपुर्ति गरेको हाम्रो दावी छ ।’ आज जारी गरिएको विज्ञप्तीमा भनिएको छ– ‘हामीले आपुर्ति गरेको १५ किलोको कट्टामा प्याक गरिएको एक सय ८५ क्वींन्टल चामल किरा परेको र जाला लागेको (जसलाई पुर्ण रुपमा कुहिएको भनिदैंन) स्वीकार गर्दै त्यसबाट ठाकुर टे«ड लिंक, धनगढी उपमहानगरपालिका र आम नगरवासीहरुलाई पर्न गएको असुविधा प्रति हामी क्षमा प्रार्थी छौं ।’
विभिन्न समस्या र कठिनाईका बीच धनगढी उपमहानगरपालिकालाई राहत वितरणका लागि चामल आपुर्ति गरेकोमा त्यसमा अधिकांश चामल राम्रो भएपनि केही खान अयोग्य हुनुमा कर्मचारी र मजदुरहरुहरुको गल्ती र कमि कमजोरीले यो स्थिति सिर्जना भएको रश्मी टे«डिङ कन्सर्नले बताएको छ । सोही विषयमा सम्बन्धित निकायद्धारा छानबिन तथा अनुसन्धानको प्रकृया भईरहेकोले आफ्नो तर्फबाट हुन गएको मानवीय त्रुटीलाई सच्याउदै आगामी दिनमा यस्ता कमि कमजोरी हुन नदिने प्रतिबद्धता सो सप्लायर्सले जनाएको छ ।
‘लकडाउनका वेला कर्मचारीहरुको अभावका साथै सम्पूर्ण चिज ठप्प थियो । कर्मचारी र कामदार थिएनन । बोरा थिएनन पल्लेदार थिएनन । कामदारलाई घरबाट मिलसम्म जान सक्ने अवस्था थिएन । यो अवस्थामा पनि उत्पादन र आपूर्ति नरोकियोस, हाम्रो जिल्ला र क्षेत्रमा खाद्यान्नको अभाव नहोस भनेर थुप्रै कठिनाईका बाबजुत पनि उत्पादनलाई निरन्तरता दिदैं धनगढी उपमहानगरपालिकालाई राहत वितरणका लागि चामल आपुर्ति गरेकोमा त्यसमा अधिकांश चामल राम्रो भएपनि केही खान अयोग्य हुनुमा कर्मचारी र मजदुरहरुहरुको गल्ती र कमि कमजोरीले यो स्थिति सिर्जना भएको हो । यदपी कुहिएको सडेको चामल भनेर प्रचार प्रसार गरिएकोमा त्यो चामल किरा परेको सडेको नभएर किरा लागेको र जाला परेको मात्रै हो । सोही विषयमा सम्बन्धित निकायद्धारा छानबिन तथा अनुसन्धानको प्रकृया भईरहेकोले हाम्रो तर्फबाट हुन गएको मानवीय त्रुटीलाई सच्याउदै आगामी दिनमा यस्ता कमि कमजोरी हुन नदिने प्रतिबद्धता जनाउछौं ।’– जारी विज्ञप्तीमा लेखिएको छ ।
रश्मी टेडिंग कन्सर्नका सञ्चालक ओमप्रकाश अग्रवालद्धारा हस्ताक्षरण गरिएको विज्ञप्तीमा ‘व्यवसायी पनि यही समाजका अंग हुन् । समाजले उनीहरुबाट हुन जाने अञ्जानबश त्रुटीलाई सुधार गर्ने मौका दिने हाम्रो विश्वास छ । समाजको विश्वासमा हामी रत्तिभर आच आउन दिने छैनौ । यो हाम्रो प्रतिबद्धता हो ।’ भन्ने कुरा उल्लेख गरिएको छ ।
