नेपाली काँग्रेसकी केन्द्रीय सदस्य डा आरजुराणा देउवाले नेपाल–भारत सिमा नदी महाकाली नदी आयोग बनाउनुपर्ने माग गरेकी छन् । आयोग बनाउन आफुले सरकारलाई घचघचाई रहेको नेतृ देउवाले बताएकी छन् ।
नेपाली काँग्रेस केन्द्रिय सदस्य एवं ग्रामिण महिला विकास तथा एकता केन्द्र संस्थापक अध्यक्ष राणाले अहिले आयोग बनाउने समय उपयुक्त रहेको जनाउदै आयोग बनाई काम गर्न सरकार संग माग गरेकी छन । दक्षिण एसियाली सिमा नदीहरुको सामुदायिक सदुपयोग ९ट्रोसा० परियोजनाको आईतबार धनगढीमा आयोजित धनगढी घोषणा पत्र र ट्रोसा परियोजनाका उपलब्धि समिक्षा तथा हस्तान्तरण सम्बन्धि कार्याशालामा बोल्दै नेतृ राणाले आयोगको परिकल्पना परियोजनाले गरेकाले आवाज उठाउने बेला आएको बताईन ।
परियोजनले पाँच वर्ष महाकाली नदी किनारमा बसोवास गर्ने समुदायमा काम गर्दा उपलब्धि हाँसिल गरेकाले आयोग बनाई सरकारले काम गर्नु पर्ने उनले बताईन । नदी किनारमा बसोवास गर्ने समुदायका स्थानियहरुले नेपाल–भारत तर्फ सुमधुर सम्बन्ध स्थापना हुनुका साथै बाढीका बेला हुने जोखिमलाई पूर्वसुचना प्रणालीका माध्यम बाट कम गर्न मद्दत पुगेको उनले बताईन । सचेतना लगायत क्षमता विकासका लागी सञ्चालन गरिएका बैठकहरुका कारण आफ्ना समस्याको पहिचानगरी स्थानिय, प्रदेश र संघ सरकारसंग माग गर्न महिलाहरु जागरुक भएको परियोजनाले जनाएको छ ।
नदीमा पाईने स साना ढुङ्ग बाट आकर्षक टेबुल पेन्टिङ्ग, तस्बिर बनाई आयआर्जन गर्न समेत महिलाहरु सक्षम भएकाले अन्तराष्ट्रिय स्तरमा पहिचान बनाउन महिलाहरु सफल भएको उनले बताईन । यि यावत स साना कुराहरु हेर्न समेत विदेशीहरु महाकाली पुग्ने वातावरणको जग बसेकाले सरकारले महाकाली नदी आयोग बनाई काम थाल्नु पर्ने उनले बताईन । स्थानिय सरकारले परियोजना सञ्चालनमा निकै साथ सहयोग गरेकाले दिर्घकालिन योजना बनाई काम गर्न उनले स्थानिय सरकार प्रमुखलाई परियोजना हस्तान्तरण समेत गरेकी छन ।
गैरसरकारी संघ, संस्था परियोजनाले सरकारले नै गर्ने, गरिरहेका काममा सहयोग पुगाउन भएकाले सर्व प्रथम सरकारहरु नै योजना बनाई सम्पन्न गर्न तर्फ अग्रसरहुनु पर्ने उनको भनाई थियो । परियोजना महाकाली नदीले क्षेत्रमा रहेका चार वटा जिल्ला कञ्चनपुर, डडेल्धुरा, बैतडी र दार्चुलाका स्थानिय तहमा सञ्चालन गरिएको थियो । यसको निरन्तरताका लागी स्थानियले सरकार र रुडुक संग आग्रह समेत गरेका छन ।
