कैलालीका १३ पालिकामै नेकपा माओवादी केन्द्रको सम्मेलन सम्पन्न भएको छ। सम्मेलनमार्फत १३ वटै पालिकामा नयाँ नेतृत्व चयन भएको माओवादी केन्द्रले जनाएको छ।
धनगढी उपमहानगरपालिकामा अध्यक्षमा सुरज खाती र सचिवमा रमेशप्रसाद भट्टराई, गोदावरी नगरपालिकाको अध्यक्षमा धर्म कुँवर, चुरे गाउँपालिकाको अध्यक्षमा हर्क नेपाली, गौरिगङ्गा नगरपालिकाको अध्यक्षमा देवी कडेल, कैलारी गाउँपालिकाको अध्यक्षमा बतासु चौधरी र भजनी नगरपालिकाको अध्यक्षमा पर्शुराम चौधरी चयन भएका छन्।
यस्तै घोडाघोडी नगरपालिकाको अध्यक्षमा खगेन्द्र हमाल, बर्दगोरिया गाउँपालिकाको अध्यक्षमा -रामबहादुर साउद, जोशिपुर गाउँपालिकाको अध्यक्षमा दीर्घ बिनाडी, मोहन्याल गाउँपालिकाको अध्यक्षमा देबिचन्द्र उपाध्याय, लम्कीचुहा नगरपालिकाको अध्यक्षमा लाल कुमाल, जानकी गाउँपालिकाको अध्यक्षमा ज्ञानु कुँवर र टीकापुर नगरपालिकाको अध्यक्षमा खडक शाह चयन भएका छन्।
