धनगढीमा प्रदेश सांसदको भरणपोषणका लागि एक रुपैँया सहयोग अभियान अन्तर्गत मुख्यमन्त्री तथा मन्त्री परिषदकै कार्यालय अगाडी एक रुपैया संलन गरिएको छ । खबरदारीका लागि युवा समूहले सुरु गरेको अभियान अन्तर्गत मुख्यमन्त्री कार्यालय अगाडी धर्ना सहित एक रुपैया संकलन गरिएको हो ।
प्रदेश सभाका सदस्यहरुको पारिश्रमिक वृद्धि भएको विरोधमा उनीहरुले विरोध स्वरुप अभियान सञ्चालन गरिरहेका छन् । यसअघि सुदूरपश्चिमको प्रदेश सभाको प्रवेशद्धारा नजिक एक एक रुपैँया संकलन गरिएको थियो ।
अभियानका संयोजक सुरेन्द्र शाहले प्रदेश सरकारलाई खबरदारी गर्न सडकमा आएको बताए । उनले कोरोना भाइरस (कोभिड–१९) को महामारीमा पनि वृद्धि भएको पारिश्रमिक लिएको भन्दै आपत्ति प्रकट गर्दै सांकेतिक रुपमा एक रुपैया संकलन अभियान चालेको जानकारी दिए । उनीहरुले प्रदेश सरकारको बिरुद्धमा लेखिएका विभिन्न पोष्टरहरु पनि बोकेका थिए ।
