कैलालीमा नेपाली काँग्रेसको वडा अधिवेशन सुरु भएको छ। अहिलेसम्म जिल्लाका ३७ वटा वडामा सर्वसम्मत नेतृत्व चयन भएको जिल्ला कार्यसमिति कैलालीले जानकारी दिएको छ।
धनगढी उपमहानगरपालिकाका मात्रै ६ वटा वडामा सर्वसम्मत नेतृत्व चयन भएको छ। तर जिल्लामा रहेका १३ पालिकाका १ सय २६ वडामध्ये अधिकांशमा निर्वाचन प्रक्रिया मार्फत नेतृत्व चयन अघि बढाउने तयारी भइरहेको जिल्ला कार्यसमिति कैलालीले जनाएको छ।
जिल्ला सचिव नृप सुनारले ३७ वडामा सर्वसम्मत नेतृत्व चयन भएको र सहमति हुन सक्ने वडामा सहमतिको प्रयास जारी रहेको बताए। तर अधिकांश वडामा भने मतदान गर्नुपर्ने भएकाले निर्वाचन समिति त्यसको तयारीमा जुटेका छन्।
