राहुल त्रिपाठी चम्केपछि इन्डियन प्रिमियर लिग (आइपिएल) मा कोलकता नाइड राइडर्सले चेन्नई सुपर किंग्सलाई १० रनले पराजित गरेको छ।
आइपीएलमा तेस्रो जित निकालेको कोलकता ६ अंकमा तेस्रो स्थानमा छ। पाँचौ स्थानमा रहेको चेन्नईले चौथो हार भोगेको छ। कोलकताले दिएको १ सय ६८ रनको लक्ष्य पछ्याएको चेन्नईले निर्धारित २० ओभरमा ५ विकेटको क्षतिमा १ सय ५७ रन मात्र बनाउन सक्यो।
दोस्रो विकेटका लागि आम्बाती रायुडु रसेन वाटसनले ६९ रनको साझेदारी गरेपनि जितका लागि पर्याप्त भएन। वाटसन ५० रनमा एलबीडब्लू आउट भए। वाटसनले ४० बलमा ६ चौका र १ छक्का प्रहार गरे। रायुडु ३० रनमा पवेलियन फर्के।
ओपनर फाफ डु प्लेसिस १७ रनमा क्याच आउट भए। महेन्द्रसिंह धोनी ११ रनमा बोल्ड आउट भए। केदार जाधव ७ र रवीन्द्र जडेजा २१ रनमा नटआउट रहे। कोलकाताका लागि सुनिल नारायण, शिवभ माभी, वरुण चक्रवर्ती, कमलेश नगरकोटी र आन्द्रे रसेलले एक एक विकेट लिए।
त्यसअघि शेख जायद स्टेडियम आबूधाबीमा टस जितेर पहिला ब्याटिङ गरेको कोलकाताले २० ओभरमा अल आउट हुँदै १ सय ६७ रनको योगफल तयार पारेको थियो। ओपनर राहुल त्रिपाठीले सर्वाधिक ८१ रनको योगदान दिए।
त्रिपाठीले ५१ बलमा ८ चौका र ३ छक्का हाने। पहिलो विकेटका लागि त्रिपाठी र सुभमन गिलले ३७ रनको साझेदारी गरे। प्याट कमिन्स १७ रनमा अविजित रहे। कमलेस नगरकोटी र शिभम् माभी शुनय रनमा आउट भए। ड्वेन ब्राभोले आफ्नो स्पेलमा ३७ रन खर्चेर ३ विकेट लिए। करण शर्मा, शार्दुल ठाकुर र साम करनले २–२ विकेट लिए।
