संस्थानगत विद्यालय शिक्षक युनियन (इष्टु) कैलालीको वार्षिक जिल्ला अधिवेशन वैशाख २७ गते शनिबारका दिन हुने भएको छ।
अधिवेशनको आयोजना जिल्ला कार्य समिति इष्टु परिवारद्वारा गरिएको हो। संघका अनुसार कार्यक्रम बिहान ११ः३० बजेबाट आस्था होटल, धनगढी वडा प्रहरी कार्यालय नजिकमा सुरु हुनेछ। कार्यक्रममा सहभागी भई उपस्थित जनाएर कार्यक्रमलाई भव्य र सभ्य बनाउन युनियनले सबै सरोकारवालाहरुलाई हार्दिक निमन्त्रणा समेत गरेको छ ।
‘संस्थानगत विकास, मर्यादित पेशा, गुणस्तरीय शिक्षा इष्टुको प्रतिबद्धता’ भन्ने मूल नाराका साथ सञ्चालित इष्टुले जिल्ला अधिवेशन आयोजना गर्न लागेको हो। कार्यक्रममा जिल्लाभरका संस्थागत विद्यालय शिक्षकहरूको सहभागिता रहने अपेक्षा गरिएको छ।
