बैतडीमा अहिलेसम्म ६० प्रतिशत मत खसेको छ। जिल्ला निर्वाचन कार्यालय, बैतडीका प्रमुख माधवप्रसाद फुयाँलका अनुसार जिल्लाका सबै मतदान केन्द्रमा गरि ६० प्रतिशत मत खसेको हो।
जिल्लामा १ लाख ५० हजार १५६ मतदाता छन्। अहिले ३ः ३० सम्ममा जिल्लामा कुल ६० प्रतिशत बढी मत खसेको हो। यहाँ एक प्रतिनिधि सभा र २ प्रदेश सभा सदस्यका लागि निर्वाचन हुँदैछ। यहाँ प्रतिनिधि सभामा नेकपा एमालेका दामोदर भण्डारी, सत्ता गठबन्धनका तर्फबाट नेकपा माओवादी केन्द्रका नेरेन्द्र कुवर विजयसुन्दर र स्वतन्त्र केशवबहादुर चन्द लगायतले प्रतिस्पर्धा गर्दैछन्।
यस्तै निर्वाचन कार्यालय बैतडीका प्रमुख फुयाँलले सुदूरपश्चिममै एकमात्र बैतडी जिल्लामा एकदमै शान्तिपूर्ण तरिकाले मतदान भइरहेको र कुनै विवाद तथा समस्या नआएको बताए। उनले भने, ‘बैतडीमा कुनै गडबड छैन, शान्तिपूर्ण मतदान भइरहेको छ। मलाइ लाग्छ, सुदूरपश्चिमका अरु जिल्लाहरुमा समस्या आएको भएपनि बैतडीमा शान्तिपूर्ण तरिकाले मतदान सफल पार्नेछौ।’
