सुदूरपश्चिम सरकारका आन्तरिक मामिला तथा कानूनमन्त्री पूर्णा जोशीले संविधानको पूर्ण कार्यान्वयन गरी संघीय लोकतान्त्रिक गणतन्त्र नेपालको संस्थागत विकास गर्नु हाम्रो प्रमुख जिम्मेवारी भएको बताएकी छन् । राष्ट्रिय प्रजातन्त्र दिवस २०७८ का अवसरमा शुभकामना दिँदै मन्त्री जोशीले यस्तो बताएकी हुन् ।
२००७ सालदेखि हालसम्म प्राप्त उपलब्धिको रक्षा गरी यो व्यवस्था कार्यान्वयनमा देखिएका जटिलता असजिला पक्षहरुको समीक्षा गर्दै राष्ट्र, राष्ट्रियता, राष्ट्रिय एवं ष्ट्रिय स्वाधीनताका सवालमा अविभाज्य एकताको सुत्रमा बाँधिएर नेपाली जनताको त्याग र बलिदानबाट प्राप्त लोकतन्त्रको रक्षा विकास र सम्बर्द्धन गर्न आजको दिवसले हामी सबैलाई थप जवाफदेही बनाओस् प्रेरणा देवस्, उनले भनिन् ।
पटक पटकका राजनीतिक उपलब्धि र ती उपलब्धिहरुलाई संस्थागत गर्ने सवालमा हुने गरेका त्रुटि र कमजोरीहरुका कारण मुलुक लामो समयसम्म संक्रमणमा रह्यो संविधानसभा मार्फत निर्मित नेपालको संविधान २०७२ ले मुलभूतरुपमा परिवर्तनका सबै खालका अपेक्षा पूरागर्ने संवैधानिक व्यवस्था गरेको छ मन्त्री जोशीले भनिन् संविधानको पूर्ण कार्यान्वयन गरी संघीय लोकतान्त्रिक गणतन्त्र नेपालको संस्थागत विकास गर्नु हाम्रो प्रमुख जिम्मेवारी हो ।
