जे धनगढी उपमहानगरपालिका वडा नम्बर १२ जुगेडा डि गाउँमा रहेको हनुमान नगर युथ क्लबले बिहिबार बिपन्न परिवारलाई खाद्यन्न सामाग्री वितरण गरेको छ । विश्वव्यापी महामारीको रुपमा फैलिएको कोरोना भाईरस (कोभिड १९) का कारण समस्यामा रहेको अति बिपन्न २२ परिवारलाई डि गाउँ दाजुभाई गु्रपको सहयोगमा खाद्यन्न बितरण गरिएको क्लबका अध्यक्ष रबिन्द्र बहादुर सिहंले बताए । खाद्यान्नमा १ कट्टा चामल, ४ केजी दाल, ३ पोका तेल, २ प्याकेट नुन बितरण गरिएको हो ।
“आफु बचौ, बचाऔ आफ्नै गाउँ, टोल शहर अभियान“ अन्तर्गत दिनहुँ ज्याला मजदुरी गर्ने, एकल महिला, भारतकै रोजगारीमा सिमित भएकालाई बितरण गरिएको क्लबका सदस्य जनक धामीले बताए । राहत प्राप्त गरेकी एकल महिला शुसिला बोहराले लकडाउनका कारण दुईछाक टार्न समस्या भएका बेला सहयोग गरेकोमा धन्यबाद व्यक्तगरिन् । जुगेडा घर भई विदेशमा रहेका दाजुभाईहरुको समुह डि गाउँ दाजुभाई गु्रपले रकम संकलन गरी हनुमान नगर युथ क्लबलाई यस कामको जिम्मा लगाईएको थियो ।
हरेक सामाजिक कार्यमा डि गाउँ दाजुभाई गु्रपको हरेक समय सहयोग रहने ग्रुपका संयोजक कुँबेर रोकाया बताए । यस अघि क्लबले क्वारेन्टाईनमा रहेका १४ जनालाई १० हजार बराबरको स्वास्थ सामाग्री हस्तान्तरण गरेको थियो ।
